తితిదేలో కొత్తగా ఆరు డిప్యూటీ పోస్టులు

తితిదేలో ఆరు డిప్యూటీ ఈవో పోస్టులను అదనంగా మంజూరు చేయడానికి ప్రయత్నాలు జరుగుతున్నాయి. దేవస్థానంలోనే ఉద్యోగోన్నతిపై పోస్టులు భర్తీకి ప్రక్రియ ముమ్మరంగా నడుస్తోంది. ఈ మేరకు వైకుంఠం-1, 2లకు కలిపి ఓ పోస్టును ఏర్పాటు చేయనున్నారు. ఆహ్వానం విభాగంలో ఇప్పటికే డిప్యూటీ ఈవో(ఆర్‌-1, 2) పోస్టులు ఉండగా ఆర్‌-3 పేరుతో మరొకటి నియామకం జరుగుతుంది. చెన్నై సమాచార కేంద్రం తరహాలో కురుక్షేత్రం, బెంగళూరు, న్యూఢిల్లీలో కేంద్రాలు ఏర్పాటు చేసి డిప్యూటీ ఈవోల నియామకం జరగనుంది. ప్రస్తుతం అనుబంధ ఆలయాలకు డిప్యుటేషన్‌పై డిప్యూటీ ఈవో నియామకం చేస్తున్నారు. ఈ విధానానికి మంగళం పలికి కొత్తగా ఓ పోస్టునే మంజూరు చేయాలనే అభిప్రాయానికి ఉన్నతాధికారులు వచ్చారు. ఈ వ్యవహారం త్వరలోనే కొలిక్కిరానుంది. ఏఈవోలుగా పనిచేస్తున్న అధికారులకు డిప్యూటీ ఈవోలుగా అవకాశం లభిస్తుంది. ఈ నిర్ణయంపై దేవస్థానం అధికారుల్లో హర్షం వ్యక్తమవుతోంది.

TIRUPATI TRAVELS